البنطلون الساقط
ما هو هذا الشئ الغريب؟!!
لاغريب ولا حاجه .. هو بنطلون وبيكون واقع شويه وتحته تظهر ألوان
Light
زى الأحمر والأصفر والفوشيــك
وألوان شفتشى كده ماللى بتزغلل العين ...
والناس اللى بتظلم الولاد وبتقول عليهم عيال سيس
!!
لا لا لا إزاى يعنى ..
دول ناس تاريخيه متمسكه بتقاليد المجتمع المصرى والدليل على كده :_
الفراعنه زمان كانوا مقضينها مينى جيب وآخر دلع ..
ولما بدأت الزراعه والقلع والزرع ينتشروا
بدأ الفرعون يفكر
..
وده كان مع بداية الشتا
وكلنا عارفين إن المينى جيب هتجيب برد فى العضم والركب ،،
ففكر الفرعون إزاى يتغلب عالمشكله دى
واخترع
"الكلسون"
وهو عباره عن
(بنطلون كراش واقع من عالوسط وضيق وبأستك من عند الرجلين)
ونظراً لإختلاف الأجيال والأقمشه تم تطوير "الكلسون" لحد ما بقى البنطلون الساقط
وعشان عجلة الصناعه تشتغل عملوا الحاجات ذات الألوان الفاقعه اللى عمتنا..
يعنى الكائنات الإهتزازيه اللى بتبقى لابسه بناطيل ومسقطاها لحد الركبه وشئ بدباديب أو قلوب باين تحتها
رجالـــه أوووى والوطنيه بتفط من عنيهم
"ايموشن بيغمز"
وطبعاً عشان البنطلون يبقى لايق عليه فى كل النواحى
الولد لازم يربى شعره شويتين تلاته
ويلبس كام حظاظه على كام سلسله
أهووو منكش برده
بس المشكله إن اللبس أحيان كتيره بيحدد الشخصيه
فلو واحد من دول دخل بيت يخطب بنت أكيد هيبقى عايزها زيه كده
.. بس سبحان الله
الطيور على أشكالها تقع
فى بنات بتسقط بناطيلها برده
)
دول بقى مش هنتكلم عليهم دلوقت ...
ووالد العروسه لو كان شديد ممكن يطرده مالبيت لما يشوف القلوب أو الدباديب اللى تحت الكلسون الساقط
"ايموشن فرحان"
ولو راح انترفيو فى شغل !!!
لازم يلبس بدله طبعاً .. بس ما بيقدرش
وبأى طريقه بيسقط البنطلون أصل التسقيط ده إدمان
ولازم عشان ربنا يشفيه يرفع البنطلون ،، واحده ،، واحده
لحد ما يكون فى الوضع الصح
وقتها بقى يلبس تحته
دباديب
قطط
فراخ
عصافير
براااحتووووووو ... ماحدش هيقعد يستغفر ربنا لما يشوفه
.. وختاماً
عشان يبقى الموضوع كامل يسارى يمينى ليبرالى ديمقراطى حزمبولى
الموضوع جاى من التربيه والأسره
أولاً وأخيراً
فين تربية الأم .. ووقار الأب وقعدته مع أولاده
!!!
فين القدوووووووووووووووووه
الشباب ذوات الــ "كلسون"
معظمهم قدوته مطرب أو ممثل أو مغنى راب
أومال قدوتهم الصح فين
!!
السلف الصالح وجيل صلاح الدين
كانت قدوتهم بعد سيدنا محمد صلى الله عليه وسلم
ناس زى
خالد بن الوليد .. سلمان الفارسى .. عمر بن الخطاب .. على ومصعب وأبو ذر ........
وناس ماللى بجد ما تنفعش غير أنها تكون قدوه
انما ..
البنطلون الساقط والشعر الكنيش
والبنت المتبرجه والشباب الضايع
أصلهم جاى مالبيت والأسره الهشه الضعيفه
اللى ما قدرتش تخرج شباب صح
ربنا يصلح الحال ... وكل واحد وواحده قبل ما يفكر فـ الجواز
يرتب حياته الأول
ويقرر هيربى ولاده إزاى,,
مش عايزين جيل جديد يطلع لابس البتاع أبو دباديب وقلوب بس
من غير البنطلون
